Sanferminak irisgarriak
Zentzumenen aterpea
ANFASekin eta Traza Espacio Creativorekin elkarlanean
Etorri zentzumenetan barna ibiltzera. Esperientzia irekia da, espazioarekin eta sorkuntzazko materialekin elkarreragiteko. Toki egokia da bertan pausatzeko, zer egin aukeratzeko eta gozatzeko.
Gune inklusiboa da, bereziki zuzendua lasaitasunezko eta gozamenezko aterpe bat behar duen jendeari, soinu-intentsitate apalekoa baita, egokituta dauden materialez osatua.
Jende guztiarendako dago zabalik eta gune atsegina da desgaitasuna eta/edo garapenaren nahasmendua duten pertsonendako, bai eta haien senide eta erreferenteendako ere
PROPOSATZEN DUGU…
Edozein norabidetan ibiltzea espazioan, zure beharrei eta interesei jarraikiz; horretarako, bost kolore dituzu bost espaziotan, guztiak ere zentzumenekin zerikusia dutenak eta sorkuntzazko materialen bidez egin daitezkeen hainbat esperientziari lotuak:
- UKITU/ KONTAKTATU. Erdiko patioa, Kondestable
- USAINDU/ USNATU. Erdiko patioa, Kondestable
- BEGIRATU/ IKUSI. Erdiko patioa, Kondestable
- AHOGOZATU/JOLASTU. Erdiko patioa, Kondestable
- ENTZUN/ PAUSATU. Bodega. Behe solairua
KONDESTABLE CIVIVOXA
2024ko uztailaren 8tik 12ra
Ordutegia: 12:00 – 14:00 eta 18:00 – 20:00
Informazio guztia, irisgarri
EUNATE Nafarroako gorren senideen elkartearekin, Retina Navarra elkartearekin eta ANA Autismoaren Nafarroako elkartearekin elkarlanean.
Irisgarritasuna kalean
Berariazko sarbideak udal-zerbitzuetan eta ibilbide irisgarriak.
Feria-lekua musikarik gabeko gunea izanen da uztailaren 9an, 10ean eta 11n, 12:00etatik 14:00etara.
Ekitaldi berezietarako baimenak, esaterako prozesiorako eta Erraldoi eta buruhandien Konpartsaren agurrerako. Gazteluko plazako eta Foruen plazako kontzertuetara sartzeko plataformak.
